.jpg)
أنا لاقلت لي شلونك وأنا ضايق أقول بخير
مدامك سائل عني أكيد أن ضيقتي راحت
أنا من كثر ماحبك أشوفك في عيوني غير
تضيق النفس من غيرك ولامن شفتك ارتاحت
احبك كثر .. ماتطري فبالي وتشغل التفكير
كثر ..مااشيلك بعيني وناس منها طاحت
احبك كثر .. ما ادمح خطاك أن خانك التعبير
كثر .. ماخانت الرفقة بكتم أسرارها وباحت
احبك كثر .. صقار تولع في محبــه طير
كثر .. مادلة الطيب بريحه هيلها فاحت
احبك كثر .. ماحس بشعور آني عليك أغير
كثر .. مازيح هالغيره عن أفكاري ولا انزاحت
احبك كثر .. مالك داخلي حب وغلا وتقدير
كثر .. ماغبت عن عيني ودموع أمفارقك ساحت
تصدق !! من عرفتك صرت احبك .. واكره التغيير
وأنا اللي كنت اعشق كل نجمه بالسما لاحت
تأكد كل ماتسئل عن حوالي أكون بخير
مدامك سائل عني أكيد أن ضيقتي راحت
ليست هناك تعليقات:
إرسال تعليق