ودي أكتب فيك من عذب الكلام أجمل قصيدة..

ودي اكتب فيك من عذب الكلام اجمل قصيدهوانظم احروفي والبسهاعلى عنقك قلاده

ودي اسرح بالفكر في بحر عينك يابعيده
منيتي اكون لك ياغايتي مصدر سعاده

احجبيني عن عيون الناس غيرك ما اريده
يكفي اني لا رأيتك زدت في حبك جلاده

الهواء خذني لبابك ساقني سوق الطريده
وارتوت عيني ونال القلب في لقاياك زاده

يوم صرحتي بحبك واعترفتي ياعنيده
طار قلبي من ضلوعي واعتنق قلبك وصاده

اجمل الحظات حين القاك في قلبي وريده
واشعر انك دون غيرك مرتع الفكر اوبلاده

دامك الاجمل وفي جنسك يقال انك فريده
تستحقين الغلا يامنية القلب اومراده

استكيلي من غرامي وان نقص ودي نزيده
انتي ادرى بأنك اول من غشاء فكري وساده

موعدي معك ابتدا والشرح ما ودي نعيده
لا تقولين ان راسي باقيٍ يحمل عناده

الحقيقه مانشرناها بصفحات الجريده
خوف تشخص عينها وتعانق احروب الاباده

قلبي اذنب في غرامك وانت ماحليت قيده
الخطا مني وقع باسباب من بالحب قاده

طائري فيك انزوى والخوف من هجرك يبيده
وش هي ايامي بدونك لا فقد عقلي رشاده